09 november 2008

Veer wille uch gaer persoonlik oetnwèddige op oos fjès op 8 november bij De Dikke Stein in Aelse
Wat höbbe veer te viere?
Veer zin bienao ein jaor bezig gewaes om nao de Patronaatsknöppele ein programma in ein te steele wo veer in Limburg mit kènne optreije.
Boete de presentatie van oos nuuj cd mit 11 nummers, wille veer uch laote zeen wat v'r in 't nuuje seizoen van plan zin.
Mit ooze nuuje act brènge v'r uch ôngerangere nao Duitsjlènd en Frankriek, laote v'r zeen wootoe 'nne Pikkenees in staot is, zènge v'r ein splinternuujt Kaersleedje en vertèlle ein in 't Engelsj vertaald sprookje.

Aug höbbe v'r collega artieste bereid gevônje ooze aovend op te fleure:
Sjeng Fransse: is eine troubadoer dae al mjèr es 50 jaor mit zien gitaar door Limburg truk.
Gilbert Petit: is buutekampioen van Limburg gewaes.
John en Olaf: 't koppel mit eine geweldige trèkzak en trompèt, die alle bekènde en eige nummers laote hwèrre.
Marleen Mols oet Schinveld zunk de sterre van de hemel!
Déjà Vu: Angelique, Eefje en Denise höbbe al op cd's van de Patronaatsknöppele mit gezônge en kôme altied weer gaer nao Aelse.

Tot zaoterdig 8 November 2008 in Aelse!